Aprende coa Tropaverde!

A reciclaxe é un proceso cuxo obxectivo é converter os refugallos en novos produtos para previr o desuso de materiais potencialmente útiles, reducir o consumo de nova materia prima, reducir o uso de enerxía, reducir a contaminación do aire (a través da incineración) e da auga (a través dos vertedoiros). A reciclaxe é unha compoñente clave na redución de refugallos contemporáneos e é o terceiro compoñente das 4 R (“Reducir, Reutilizar, Reciclar, Recuperar”).

Materiais: necesítase un recipiente bastante grande, auga, revistas, xornais, colador, batedora, cola branca, perchas de arame e medias rotas (para o filtro).

Proceso:

1. Para comezar, necesitamos a materia prima: papeis de xornais, folios usados, cartolinas, papeis de cores, papel hixiénico … todo tipo de papel e cartón que atopemos por casa e que xa non se vaia a usar. Recortámolo en anacos pequenos e introducímolos no recipiente grande, un cubo por exemplo.

2. A continuación, mesturamos os anacos de papel con auga quente, aproximadamente  o dobre de auga que de papel.

3. Agora é o momento de pasar a batedora ata que o papel quede ben  triturado.

4. Engadimos unha cullerada de cola branca ata conseguir unha pasta espesa que deixaremos repousar 10 min. Pasado ese tempo eliminamos o exceso de auga utilizando o  colador. Unha vez ben escorrida a pasta de papel, colocámola nun filtro realizado polos propios nenos cunha percha e unha media.

5. Coa  percha formamos un cadrado e introducimos a media. Isto actuará como filtro. Estendemos a pasta de papel sobre el.

6. É moi importante presionar ben a pasta de papel e estendela o máis fina posible, moitos nenos aproveitan e realizan formas como de corazón, por exemplo.

Durante un curto período de tempo podemos poñer peso encima para que o noso papel reciclado quede máis fino.

7. Posteriormente, cando a media absorba a auga, retirámola e deixamos a lámina de papel secarse polo menos un día.

Para finalizar e como adorno, pódense engadir follas secas e elaborar unha fermosa tarxeta como a da primeira fotografía.

Pregunta divertida para os nenos:

Cantas veces pódese dobrar pola  metada a mesma folla de papel?

Debate final:

Cantas veces podemos reciclar una mesma folla de papel?